ЕЛЕКТРОНСКИ СЛУЖБЕН ГЛАСНИК НА ГРАД СКОПЈЕ
Година:
2005
Број:
12
Датум на издавање:
10/17/2005
Општина:
Совет на Општина Гази Баба
Тип:
Одлука
Наслов:
Одлука за утврдување на стапките на даноци на имот
Текст:
Врз основа на член 36 од Законот за локалната самоуправа (“Службен весник на РМ “ бр.5/02) , членовите 27,28 и 29 од Законот за градот Скопје (“Службен весник на РМ” бр.55/04 ) , член 6 став 5 , член 16 став 4 и член 22 став 3 од Законот за даноците на имот ( “Службен весник на РМ” бр. 61/04 ) и член 35 од Статутот на Општина Гази Баба , (“Службен гласник на Град Скопје” бр. 11/97 ), Советот на Општина Гази Баба на петтата седница одржана на 30.09. 2005 година , донесе
О Д Л У К А
за утврдување на стапките на даноци на имот
Член 1
Со оваа одлука се утврдува висината на стапките за пресметување на данокот на имот , данокот на наследство и подарок и данокот на недвижности , во рамките утврдени со Законот за даноците на имот.
Член 2
Пропорционалната стапка за пресметување на данокот на имот на подрачјето на Општината Гази Баба , како сопствен извор на приход на Општината , изнесува 0,10 % .
Стапките за пресметување на данок на имот на земјоделско земјиште на подрачјето на Општина Гази Баба , кое не се користи за земјоделско производство , изнесува 0,50 % .
Основа за пресметување на данокот на имот од ставовите 1 и 2 од овој член претставува пазарната вредност на недвижниот имот утврдена според Методологијата за утврдување на пазарна вредност на недвижниот имот што ја пропишува Владата на Република Македонија.
Член 3
Пропорционалната стапка за пресметување на данок на наследство и подарок , како сопствен извор на приход на Општина Гази Баба , за обврзник од втор наследен ред изнесува 3%, а за обврзник од трет наследен ред или за наследник што не е во сродство со оставителот , изнесува 5 % .
Основа за пресметување на данокот од став 1 на овој член претставува пазарната вредност на наследениот , односно на подарок примениот имот , утврдена според Методологијата од членот 2 став 3 на оваа одлука.
Член 4
Пропорционалната стапка за пресметување на данок на промет на недвижности на подрачјето на Општина Гази Баба како сопствен извор на приход на Општината изнесува 2,0 %.
Во рамките утврдени со Закон, Општината Гази Баба утврдува дополнителна стапка на данок на промет на недвижности , како сопствен извор на приход на Општината , во висина од 0,5 % .
Основа за пресметување на данокот од став 1 на овој член претставува пазарната вредност на недвижноста , утврдена според Методологијата од членот 2 став 3 на оваа одлука .
Член 5
Согласно одредбите на Законот за даноците на имот , приходот остварен врз основа на даночните стапки утврдени во член 2 , член 3 и во член 4 став 1 од оваа Одлука , се распределуваат во сооднос 50% за Градот Скопје и 50 % за Општина Гази Баба .
Член 6
Оваа Одлука влегува во сила осмиот ден од денот на објавувањето во “Службен гласник на Град Скопје” .
Бр. 07- 1435/2
од 30.09. 2005 г.
Скопје
ПРЕТСЕДАТЕЛ
на Советот на Општина Гази Баба,
Кире Бузлиев , с.р.